迷失（1 / 2）

迷失

周末下午，青悄悄坐在餐厅一角，垂下头拿着匙羹，默默地搅拌枱上的热柠水，想得入神??

蓝（匆忙赶到）：咦？好早嚟咗啦？

青（心神彷彿） ：嗯??

蓝（上身靠着青） ：食咗午餐未？净係饮杯柠檬水够啦？

青（面部僵硬） ：啊！冇乜胃口，唔想食早餐住??

蓝（疑惑） ：不如食个下午茶？係咪依间餐厅唔啱胃口？我哋可以去第二间食啊？

青（摇摇头） ：唔係??蓝，我有件事要同你讲??

蓝（上身倾前）：好！你讲吖！我听紧??

青（深呼吸）蓝，我有左六星期啊??

蓝（睁大眼睛） ：吓！你意思係你有咗BB ? 我哋嘅BB ?

青眼巴巴望着蓝，点头不语。

蓝（摸一下鼻子扮惊喜）：咁突然嘅？咁咪好啰！我哋可以落实结婚，组织我哋嘅新家庭！我已经谂好咗，我哋结婚之后住边度??

青（握拳质问） ：你一早知道我有咗，先至同我结婚嘅??

蓝（跺脚死撑） ：梗係唔係！我点会知啫？我係想同你组织新家庭，先会同你求婚??

青（鼻孔呼气）：点解你要讲大话？嗰晚係俊屋企，你已经係我手袋见到有验孕棒啊？所以，你係为咗个BB，先至同我求婚，并唔係因为我本身??

蓝心裏一沉，想不到被怀疑求婚的诚意，感到很沮丧，拒绝作任何解释 ，下意识摸了一下，放在口袋裏的戒指盒，想不到这棵戒指，竟猛然刺痛自己??两人一下子沉默起来，时间彷彿过得很慢，甚至怀疑停止了??

蓝打破沉默（抬头挺胸）：係！我承认，我係一早见到，你个袋有一盒验孕棒??而我唔想自己，好似我衰老豆咁，知道我妈咪有咗我，就唔要我哋两个，离开咗屋企就冇再返嚟??所以我一定会负责任，做BB嘅爸爸??

蓝想勾搭青的手，但青慢慢缩开迴避，蓝的心酸溜溜刺痛着，手指头在枱底无意识的抚弄，似乎在回忆曾经触碰时的温暖。

青沉默一会（迴避目光)：我知道有BB係一件唔容易嘅事??但係原来拥有依一件上天赐嘅礼物，亦都会可能失去另一位重要的人??

青（低头咽嚥）：蓝，原来我妈咪 係生我嘅时候难产，医生剩係救得返我一个?? 我妈咪係我出世嗰日，就过咗身???所以，我而家仲未有勇气去接受生BB依一件事，我仲咁后生，我唔想咁快生BB，绑住自己梦想呀！??何况，我下星期我 会返公司面试，如果顺利嘅话就可以返机组，完成我嘅梦想??

蓝（叉腰忟憎） ：梦想？又係梦想？你依家有咗我哋嘅BB呀！你依家最紧要係休息，唔好谂咁多野住??

青（反感吁气） ：够啦！ 你净係挂住个BB ，你有冇谂过我嘅感受啊？我真係好惊啊！我唔想面对妈咪同一个处境，我好惊死係产房！係手术枱上死呀？你明唔明呀？

蓝（好言相劝安慰）：我明白以前医院有好多唔完善嘅地方，但係而家医学好先进架啦！我会安排最好嘅医生同埋医院俾你，你唔使担心架！